२५ जेठ, काठमाडौं । यूईएफए नेसन्स लिग फुटबलमा इटलीले पहिलो जित निकाल्दा जर्मनी र इंग्ल्यान्डले बराबरी खेलेका छन् ।
लिग ए अन्तर्गत समूह ए मा इटलीले हंगेरीलाई २-१ ले हरायो । इटालीलाई जित दिलाउन निकोलो बरेलाले ३० औं र लोरेन्जो पेल्लिग्रिनीले ४५ मिनेटमा गोल गरे । इटलीकै जियानलुका मान्सिनीले भने ६१औं मिनेटमा आत्मघाती गोल गरेका थिए ।
जितपछि इटली २ खेलबाट ४ अंक जोडेर शीर्ष स्थानमा उक्लेको छ । हंगेरी ३ अंकसहित दोस्रो स्थानमा रहेको छ ।
यसै समूहको अर्को खेलमा जर्मनी र इंग्ल्यान्डले १-१ गोलको बराबरी खेलेका छन् ।
खेलको ५०औं मिनेटमा जोनस होफम्यानले गोल गर्दै जर्मनीलाई अग्रता दिलाएका थिए ।तर, खेलको ८८औं मिनेटमा ह्यारी केनले पेनाल्टीमार्फत गोल गर्दै इंग्ल्यान्डको हार टारे ।
पहिलो खेलमा हंगेरीसँग पराजित इंग्ल्याण्डले बराबरीबाट १ अंक जोडेको छ । लगातार दोस्रो बराबरी खेलेको जर्मनी २ अंमसहित तेस्रो स्थानमा छ । इंग्ल्यान्ड २ खेलमा १ अंक जोडेर समूहको पुछारमा रहेको छ ।
साभारःअन्लाइनखबर
प्रतिक्रिया दिनुहोस्