काठमाडौं, असोज १
नेकपा ( एकीकृत समाजवादी ) ले प्रतिनिधि सभा र प्रदेश सभामा समानुपातिकबाट प्रतिनिधित्व गर्ने सांसदहरूलाई पुनः सोही कोटामा उम्मेदवार नबनाउने भएको छ ।
नेकपा एकीकृत समाजवादीका महासचिव डा .बेदुराम भुसालले शनिबार एक प्रेस विज्ञप्ति जारी गर्दै विगतमा दुईपटक वा सो भन्दा बढी समानुपातिक सांसद र राष्ट्रिय सभाको सदस्य भएकालाई पनि समानुपातिक बन्द सूचीमा नराखिने जनाउनु भएको छ ।
एकीकृत समाजवादीले स्थानीय तह निर्वाचनमा पार्टीका तर्फबाट उम्मेदवार भएकाहरूलाई पनि समानुपातिक सूचीमा नराख्ने भएको छ । सो पार्टीले विगतमा अवसर नपाएकालाई समानुपातिकमा अवसर दिने भएको जारी विज्ञप्तिमा उल्लेख छ ।
प्रतिक्रिया दिनुहोस्