पोखराको पर्यटकीय क्षेत्र लेकसाइडमा फुडी प्यालेस सञ्चालनमा आएको छ । औपचारिकरुपमा उद्घाटन गर्दै आजदेखि पोखरा ६ लेकसाइड स्ट्रीट नं. १३ मा फुडी प्यालेस रेष्टुरेण्ट एण्ड पार्टी हाउस सञ्चालनमा आएको हो ।
प्यालेसको उद्घाटन गर्दै पोखराका मेयर धनराज आचार्यले युवाहरुले गरेको कार्यलाई सबैले हौसला दिनुपर्ने बताए । ‘मेयर पनि पार्टी प्यालेसको उदघाटन गर्दै हिड्छ भन्छन् तर कुरा त्यस्तो होइन । युवाहरुले गरेको कार्यलाई प्रोत्साहन गर्नु हाम्रो दायित्व हो । पोखरा महानगरको अभिभावकको हिसाबले पनि युवाहरुको कार्य थालनीलाई हौसला दिनु मेरो कर्तव्य हो ।’ –मेयर आचार्यले भने ।
युवा व्यवसायी राजन शर्मा पराजुलीले उक्त प्यालेस सञ्चालनमा ल्याएका हुन् । स्वादिष्ट परिकारका साथमा विबाह, ब्रतबन्ध, विभिन्न कार्यक्रम, सभा, सम्मेलनलगाएत पार्टी तथा रेष्टुरेण्ट सम्वन्धि सबै सेवाहरु उपलब्ध गराइने सञ्चालक पराजुलीले जानकारी दिए ।
प्रतिक्रिया दिनुहोस्