हिमालपारिको जिल्ला मुस्ताङमा गत साउन २८ गते आएको अपत्यारीलो भिषण बाढीले कागबेनी गाउँ बस्तीलाई हेर्दाहेर्दै कागखोला किनारका धेरै घरहरु बगरमा परिनत गराईदिएको छ । यो मुस्ताङ बासीको लागि कालो दु:खको दिन साबित भयो यतिखेर जिल्ला बासी शोकमा डुबेको छ । मानबीय क्षेति बाहेक चल अचल सम्पतिको करोडौं रकमको नोक्सान हुन पुगेको छ जसको कारण त्रसित अवस्थामा रहेका कागबेनी बासीहरुलाई परेको समस्या आफ्नो समस्या सम्झेर वडा , गाउँ गाउँ र जिल्ला बासी , देश र बिदेशमा रहेका ब्यक्ति , संघ संगठन र आफन्त जनहरुले सहयोगी हातबाट रकमले निरन्तर सहयोग गरी रहेका छन् ।
यो आफैमा एकताको आवाजमा सामूहिक बल हो यो सदैव कायम रहन सक्नुपर्छ । तर कागबेनी गाउँ पहिलाको लयमा आओस भनी सबैले आ आफ्नो तवरले दिएका सहयोगी रकमहरुको पारदर्शीता हुन जरुरी हुन्छ । संकलन भएका रकमहरुलाई कसरी ब्यवस्थापन गरिएको छ यो महत्वपूर्ण बिषय हो । आपत बिपतको दु:खको बेलामा जम्मा भएको सबै हर हिसाबलाई कागबेनी गाउँलेले सार्बजनिकीकरण गर्न सक्नुपर्छ । नडांटी भन्ने हो भने ब्यक्तिहरु मार्फत रकम संकलन गर्न गराउन पाईन्न यो गैर कानुनी ठहर्छ यस बिषयमा जिल्ला प्रशासन मुस्ताङ र जिल्ला प्रहरी कार्यालय चुप लागेर बस्न मिल्दैन साथै स्थानीय सरकारको पनि यस बिषयमा ध्यान जान जरुरी हुन्छ ।
धनको मुख कालो हुन्छ भनेझै बिपतको नाममा संकलन भएका रकमहरुको दुरुपयोग हुनु हुदैन जम्मा रकमहरुलाई जिल्ला बिपत ब्यवस्थापन समिति मुस्ताङ मार्फत र बारागुङ मुक्तिक्षेत्र गापा बिपत ब्यवस्थापन समितिबाट एकद्धार प्रणाली अपनाएर रकमलाई पीडितहरुको हातसम्म पुर्याउन सक्नुपर्छ त्यसैले सबैले थाहा पाउने गरी एक एक रकमको हिसाबहरु सबैको माझमा सार्बजनिकहोस् । साथै यदि ब्यक्तिगत समिति र दर्ता बेगरका संघ संस्थाहबाट सहयोगको नाममा रकम संकलन गर्ने काम भएको छ भने अबिलम्ब त्यस्तो नियम बिपरित कार्यको रोकथाम बेलैमा हुनुपर्छ हरहिसाब खोज्न पाउनु जनताको अधिकार हो यो कुरा कागबेनी बासीहरुले बुझ्न जरुरी छ ।
प्रतिक्रिया दिनुहोस्