नेपाल क्रिकेट संघ (क्यान) ले नेपाली क्रिकेट खेलाडि को केन्द्रिय सम्झौता (सेन्ट्रल कन्ट्रयाक्ट) अन्तर्गत खेलाडिहरुको सङख्या सहित मासिक तलब समेत वृद्धि गरेको छ । संघले फाल्गुन १२ र १४ गते सम्पन्न गरेको केन्द्रिय कार्यसमितिको बैठकले क्रिकेट खेलाडीको वर्गीकरण सहित निर्णय गरेको छ ।
सन् २०२४ को लागि सेन्ट्रल करारमा रहने गरी पुरुषतर्फ ३० र महिला तर्फ १९ जना खेलाडीको वर्गीकरण गरेको छ । जसमध्ये महिला र पुरुष दुवै तर्फ ४/४ ग्रेडमा खेलाडीहरु विभाजित रहेका छन । त्यस्तै दुर्व तर्फ ईमर्जिङ खेलाडीहरु समेत छनोट गरेको छ । सम्झौता २०२४ जनवरी १ देखि लागु भएको हो ।
पुरुष तर्फ ‘ग्रेड ए’ अन्तर्गत राष्ट्रिय क्रिकेट टोलीका कप्तान रोहीत पौडेल, सोम्पाल कामी, करण के.सी, दिपेन्द्र सिंह ऐरी, आसिफ सेख र कुशल भुर्तेल रहेका छन् । ‘ग्रेड ए’ मा रहेका खेलाडिले मासिक रु १ लाख तलब पाउने छन् । त्यसैगरी ‘ग्रेड बी’ अन्तर्गत कुशल मल्ल, गुलशन झा, भिम सार्की, ललित नारायण राजवंशी, आरिफ सेख र अविनाश बोहोरा लगायतका खेलाडि रहेका छन् । ‘ग्रेड बी’ का खेलाडीले मासिक रु ७० हजारका दरले तलब पाउने छन् ।
त्यस्तै ‘ग्रेड सी’ मा बिनोद भण्डारी, अर्जुन साउद, सन्दिप जोरा र प्रतिस जी. सी रहेका छन् भने मासिक ५५ हजारका दरले ‘ग्रेड सी’ का खेलाडीको तलब रहेकोे छ । भने पवन सर्राफ, सागर ढकाल, अनिल साह, बिबेक कुमार यादव, आकाश चन्द, बसिर अहमद र सुर्य तामाङ लगायतका खेलाडी ‘ग्रेड डी’ मा रहेका छन् । ‘ग्रेड डी’ का खेलाडीको मासिक रु ३५ हजार दिने व्यवस्था गरेको छ ।
ईमर्जिङ खेलाडीका रुपमा पुरुष तर्फ दिपेश कँडेल(कोशी), रुपेश सिंह(मधेश) रिजन ढकाल (बागमती), बिपिन खत्री (गण्डकी), देब खनाल (लुम्बिनी), अर्जुन घर्ती (कणर्ली) र हेमन्त धामी (सुदुरपश्चिम) रहेका छन्। उक्त खेलाडीको मासिक रु मासिक २५ हजार तलब तय गरेको हो ।
महिला तर्फ ‘ग्रेड ए’ अन्तर्गत इन्दु बर्मा,रुबिना क्षेत्री, सीता राना मगर रहेका छन भने मासिक रु ५० हजार तलब पाउने छन् । त्यसैगरी ‘ग्रेड बी’ मा कबिता कुवँर रहेकी छन् जसको मासिक तलब ३५ हजार पाउने छन् ।
त्यसैगरी पुजा महतो र अश्मिना कर्माचार्य ‘ग्रेड सी’ अन्तर्गत छन भने मासिक तलब ३० हजारको दरले पाउने छन् । अप्सरी बेगम, कविता जोशी, संगिता राई, काजोल श्रेष्ठ र बिन्दु रावल ‘ग्रेड डी’ अन्तर्गत रहेका छन् र उनीहरुको तलब मासिक २५ हजार पाउने व्यवस्था गरेको हो ।
महिला तर्फ ईमर्जिङ खेलाडीका रुपमा सोनी पाख्रिन, खुसि डंगोल, ज्योत्सनिका मरासिनि, कन्चन श्रेष्ठ, रुबि पोदार, सृष्टि जैसी, सम्झना कुमारी खड्का, सना प्रविन लगायतका खेलाडी रहेका छन् । महिला तर्फ ईमर्जिङ खेलाडीका रुपमा रहेका खेलाडीले मासिक रु. २५ हजार पाउने छन् ।
संघले नेपाल ‘ए’ टीमको मुख्य प्रशिक्षकमा पूर्व कप्तान ज्ञानेन्द्र मल्ल तथा प्रशिक्षकमा पुर्व अन्तराष्ट्रिय क्रिकेट खेलाडी कलाम अली लाइ र यु–१९ महिला टीम प्रशिक्षकको जिम्मेवारी महेश रिजाललाइ दिने निर्णय गरेको छ ।
प्रतिक्रिया दिनुहोस्